Hasrat Bhari Nigahon ko aaraam Tak nahi,
Woh yun Badal Gaya k Ab Salam Tak nahi
Jis ki Talab Mein zindagi Apni Guzaar di,
Us Be-wafa k Lab Pe Mera Naam Tak nahi
Jo Keh Gaye Thay Shaam ko Baithenge Aaj Phir,
Kuch Saal Ho Gaye koi Paighaam Tak nahi,
Dafan hun Tere Hijar ki ik Aisi Qabar Mein,
Kutbay Pe Jis k Aaj Koi Naam Tak nahi
Be-ikhtiyaar Uthtay Hain Mere Qadam idhar Udhar,
Haalan k Us Gali Mein Mujhe kaam Tak nahi...*
No comments:
Post a Comment