Roz-o-shab youn na aziyat mein guzaray hotay

Roz-o-shab youn na aziyat mein guzaray hotay.....
.
Chain aa jata agar khail k haaray hotay.....
.
Khud se fursat hi muyassar nhi aayi warna.....
.
Ham kisi aur k hotay to Tumaray hotay.....
.
Tujh ko bhi gham ne agar theek se pakra hota.....
.
Teray chehray pe khad-o-khaal hamaray hotay.....
.
Ik bhi moaj agar meri himayat karti.....
.
Main ne us paar kayi log utaray hotay.....
.
Lag gayi aur kahin umar ki poonji warna.....
.
Zindagi ham teri dehleez pe haaray hotay.....
.
Kharch ho jatay isi aik mohabbat mein.....
.
Dil agar aur bhi seenay mein hamaray hotay.....